నేను నా మనసు 

నేను ఒంటరిగా కూర్చుంటే 

మనసు ఊహ లోకాల్లో విహరిస్తుంది 

అవకాసం లేని ఆకాశం వెనకాల 

తిరుగాడుతుంది, వేదుకాడుతుంది

ఎగురలేని ఎత్తులు దిగలేని లోతులూ 

అన్నీ కలియతిరుగుతుంది. 

నేను మందితో కలిసుంటే 

(ప్ర) వచనాలు చర్చలు తెలుగు వెలుగులు. 

నేను పక్కమీదకు  జారుకుంటే

కంటి నిండా కలలు 

కనుల  నిండా ఆర్తి, తపన 

ఏదో చెయ్యాలని నిస్వార్ధంగా 

ఏదో చెప్పాలని నిర్ద్వంద్వంగా 

అన్నిటికి అడ్డంకులే 

అందరికి అపోహలే 

ఆశయాలు ఆశలగానే ఉండిపోవాలా 

అవకాశాలు ఆమడ దూరాన ఆగిపోవాలా

'నా' నుండి 'మన' గా మనలేనా 

'మన'లను ఆ 'తన' వైపు మళ్ళించ లేనా 

తలపులన్నీ గెలువ లేనా 

తలుపలన్నీ తెరువలేనా