నీ కొలువుగా    నే కొలువగా

కోరి నే కోరకనే నిను కొలువగా
మనసంత జేసితి నీ కొలువుగా
ఏరి కొలిచేవారి కొంగుబంగారమై
ఏరి ప్రాపకమూ మాకనవసరమై
నీ సేవలో మమ్ము మననీయుమమ్మా
నీ సేవకే మమ్ము నియమించు మమ్మా //   //
ఆర్తితో పిలచితే ఆపన్నహస్తమిచ్చేవు
అల్లాడిపోతే అమ్మవై అభయమిచ్చేవు
నిన్ను నమ్మిన వారి నెప్పుడూ ఆదరించేవు
నా అన్నవారికందరికి అండగా నిలిచేవు //   //
ఈతి బాధలూ గోతి నక్కలూ నాకేల
కలిములమ్మవు లేమి కిచట చోటేల
అస్తి నాస్తి తో నీవుండగా భయమేల
నా యాస్తి యంతయూ నీవె కావేల //   //