శారద రాత్రి.
ఉ.
శారద చంద్రికా ధవళ సారము శీత సమీరమున్ సదా
చారపు నా మదిన్ గెలచి చక్కని భావ పరంపరా ఝరిన్
కోరి మునుంగ జేయు ప్రతి కూలత పోవ కవిత్వ మల్లగా
నూరడి గల్గు గాని కన నోపనె పద్య ప్రసూన బాలలన్.
తే.గీ.
నీలి మేఘాల విహరించు నేత్రయోని
పండు వెన్నెలన్ పరవశ పడగ పృథ్వి
కడలి జలరాశి పులకించి గట్టు తాక
శరదనంత సౌందర్యమౌ శంకలేల?
(నేత్ర యోని =జాబిల్లి)
తే.గీ.
సంతస పడుచు పడుచు విశ్వసహ నొక్క
వింత కవ్వింత కుప్పొంగి వివశ కాగ
యమిత కామితగ నలరు నలరుబోడి
శారద శార దా శారద చారు పుడమి.
(విశ్వసహ=భువి, 1శిరద=శరత్కాలపు, 2 శార దా = చిత్ర వర్ణముల నిచ్చు, 3 శారద = పార్వతి)
కం.
కౌముది కౌగిట కరిగెడు
హేమ యిపుడు సస్య గర్భ హే! హితులారా
రామ సుమనోహర హరిత
భామను వెన్నెల వెలుగున పదపడి గనరే.