తెనుగు

అమ్మ బాస

సీ.
శ్రీ లలితా దేవి శ్రీ చక్ర యాన
              శార్దూల వృత్తంపు పద్య మన్న
జంభారి వహనపు అంబారి ఘనమద
              గజయాన మత్తేభ పద్యమన్న
శ్రీ కృష్ణు కంఠాన చెంగల్వ పూదండ
              ఉత్పల మాలయన్ వృత్తమన్న
ముగురు అమ్మల మెడన్ ముగ్ధ సౌవర్ణ పూ
                 మాలయే చంపక మాల యనిన
తే.గీ.
  తేనె లొలికేటి తెలుగింటి తేటగీతి
  మాడ వీథుల విహరించు ఆటవెలది
  కలిమి ద్విపద సీసములు మా కందమగును
  భువికి దివిటీలు తెలుగున పద్య ములన.