గతం లోకి 

గతం లోకి మనసు జారుకుంటే 

జ్ఞాపకాలు నెమరుకు వస్తుంటే

కాలుడి ప్రాప'కాలు' విరగ్గొట్టి 

ప్రాయాన్ని  గిర్రున వెనక్కి నెట్టి 

కాయాన్ని కిశోర కోమలంగా సాన పట్టి 

జీవనం సాగించాలనిపిస్తుంది. 

ఓనమాలు దిద్దుకుంటూ 

ఓటి మాట లాడుకుంటూ

నీటి మీద రాసుకుంటూ 

ఎరుకలేని ఈడు కలసి రాని జోడు 

కుడి ఎడమలగా బడి బుడతనిగా 

మరోసారి ఆరంభించాలనిపిస్తుంది. 

'కాకి ఎంగిలి' తోడుగా 

డబ్బు మొక్క నాటినా

పులుసులో ముక్కలా 

ఆటలో అరటి పండుగా 

మిగిలి పోవాలనిపిస్తుంది. 

మాయదారి కాలం 

వెనక్కి పోనివ్వకుంది. 

ఆ గుట్టేదో చెప్పేసే ....వేత్తలు 

ఇంకా పుట్టుకు రాలేదేమో 

ఆ విద్యలు ఆ మాయలు

కనిపెట్టితే ఎంత బాగుణ్ణు

కని కట్టులా వింతగా ఉణ్ణు.