నివ్వెర పోవటమే నీ వంతు 

గుడ్డొచ్చి పిల్లని  వెక్కిరిస్తే
పిల్లొచ్చి  తల్లిని నిలదీస్తే
తల్లీ పిల్లా అతలాకుతలం
మనసూ మమతా అంతా  శూన్యం
నివ్వెరపోవటమే నీ వంతు
మువ్వగోపాలుడే నీ సంతు.

మొగ్గొచ్చ్చి పువ్వును వెక్కిరిస్తే
పువ్వోచ్చి పిందెను  నిలదీస్తే
మొగ్గా, పువ్వూ ఏది శాశ్వతం?
ఇంకెక్కడ పరిణామ సిద్ధాంతం?
నివ్వెర పోవటమే నీ వంతు
మువ్వ గోపాలుడే నీ సంతు.

 నీదనుకున్నది నీది కాదు
లేదనుకున్నది లేకపోదు
కావాలనుకున్నది కలసి రాదు
అంతా ఆ  ఈశ్వరేచ్చ 
అందుకే ముక్కున వేలేసుకుని
నివ్వెర పోవటమే నీవంతు
మువ్వగోపాలుడే నీ సంతు.