మృగాడు

విశృంఖలత్వం మరిగి

విచక్షణత్వం మరచి

కండకావరం పెచ్చు పెరిగి

ఆధిక్యతాభావంతో విఱ్ఱవీగే

ప్రతీ మగాడూ ఓ మృగాడే.

ఏమాత్రం తీసిపోమంటూ

అన్నింటా పోటీపడే అమ్మాయిలు

'భీత హరిణేక్షణ'ల్లా పడుండాలనీ

కోట్లల్లో ఆస్థులు తీసుకురావాలనీ

లక్షల్లో జీతాలు తెచ్చి నా చేతికివ్వాలనీ

ఇంటిల్లిపాదికీ చాకిరీ చేయాలనీ

అయ్యగారన్నా అత్తమామలన్నా

అగ్గగ్గ లాడాలనీ నీరాజనాలు పట్టాలనీ

ఆశపడే ప్రతీ దున్నపోతూ ఓ మృగాడే

ఏడు పదుల పైబడిన ముసలి నక్కకు

రోషం పౌరుషం పెత్తనం నాకెక్కువంటూ

పాతికేళ్ళ అమ్మాయిలు దాసోహం

కావాలని ఆరాటపడే కుమతీ ఓ మృగాడే.