మానవత్వమే లేని మనుషులకు
సమానత్వమంటే తెలిసేనా?
సహజత్వమే లేని మృగాళ్ళకు
నియమ నిబంధనలు భయ పెట్టేనా?
ఎంత చదువు చదివి ఏ పనిజేసినా
అలాంటి వారికి ఆడదంటే చులకనా?
అత్తమామలైనా కట్టుకున్న వాడైనా
మనిషిని మనిషిగా గుర్తించలేని పీనుగులు
కోరికలకు కొదవేలేని నర రూప రాక్షసులు
పాతరాతి యుగం ముద్దపప్పులు
గాదె కింద బలుపెక్కిన పందికొక్కులు
అమ్మాయిల జీవితాలతో చెలగాటాలు
మూటగట్టుకోరా కన్నీటి శాపాలూ పాపాలు?